ABOUT BOOK

દ્વારકા અને સોમનાથની ઐતિહાસિક પૃષ્ઠભૂમિમાં રચાયેલી આ કાલ્પનિક કથામાં, એક હજાર વર્ષ પહેલાં મોહમ્મદ ગઝનીને સોમનાથના યુદ્ધમાં હરાવવાની સાજીશની વાત છે. તેમાં સોમનાથ (શિવ) અને દ્વારકા (કૃષ્ણ)ના જોડાણની વાત છે અને આ સ્થળો સાથે જોડાયેલી લોકમાન્યતાઓને પણ કથામાં વણી લેવાઈ છે. સોમનાથ અને દ્વારકા, આ બન્ને સ્થળોનું અનન્ય ઐતિહાસિક અને સાંસ્કૃતિક મહત્વ છે. બન્ને સ્થળોના રોમાંચક ઈતિહાસનું આપણા પુરાણોમાં વર્ણન છે. શિવ અને કૃષ્ણ સાથે સંકળાયેલા આ બંને સ્થળો હજારો વર્ષોથી આપણી સાથે પૌરાણિક વાર્તા, પુરાણો અને માન્યતાઓ થકી જોડાયેલા છે. સોમનાથને ઐતિહાસિક દ્રષ્ટીએ જોવામાં આવે તો તરત જ સોમનાથનું સુવર્ણ મંદિર નજર સમક્ષ ખડું થઇ જાય. તેના પર મોહમદ ગઝનીએ કરેલા આક્રમણ, સુવર્ણની લૂંટ તથા મંદિર અને શિવલિંગનો ધ્વંસ એ જગજાહેર ઐતિહાસિક હકીકતો છે. આ જ દ્રષ્ટીએ દ્વારકાને જોવામાં આવે તો તરત જ નજર સમક્ષ ઉપસી આવે કૃષ્ણની જ બનાવેલી અને તેમણે જાતે જ સમુદ્રમાં ડૂબાડેલી સુવર્ણનગરી દ્વારકા. 'ઉદયાસ્ત દ્વારકા-સોમનાથ' આ બન્ને સ્થળનું અદ્દભુત જોડાણ સાધતી ઐતિહાસિક નવલકથા છે, જે આજથી એક હજાર વર્ષ પહેલાં સોમનાથનાં સુવર્ણમંદિર પર થયેલાં આક્રમણની કલ્પનાને રજુ કરે છે અને એ સમયે આ પુસ્તકમાં જે લખાયું છે એવું જ કઈક બન્યું હશે એવું માનવા વાચકને પ્રેરિત કરે છે. ગઝનીના આક્રમણનું નિશાન સોમનાથનું સુવર્ણમંદિર હતું કે કૃષ્ણની સુવર્ણ દ્વારકા? એને કેવી રીતે સુવર્ણમંદિર અને સુવર્ણદ્વારકા વિષેની માહિતી મળી? આ મંદિર અને નગરીને ગઝનીથી બચાવવા માટે કઈ યોજના બનાવવામાં આવી હતી અને એ યોજના મુજબ ગઝનીને આ આક્રમણમાંથી શું મળ્યું અને તેણે શું ગુમાવ્યું, એ વિષેની રસપ્રદ વાત એટલે આ નવલકથા.

DETAILS

Free Shipping

In Gujarat on orders over 499/-

Cash on delivery

Through Indian Post

Express Courier Service

For Pre - Paid Orders