Aavaran

About this Book: Aavaran (આવરણ)

કન્નડ સર્જક ડૉ. એસ. એલ. ભૈરપ્પાની આ નવલકથાએ માત્ર પાંચ વર્ષમાં 36 આવૃત્તિનો વિક્રમ સર્જ્યો હતો. ‘આવરણ’ની સહજ સરખામણી ડેન બ્રાઉનની જગવિખ્યાત નવલકથા ‘દા વિંચી કોડ’ સાથે પણ થઇ શકે. પ્રભાવી શક્તિઓ દ્વારા સાચા ઈતિહાસને દબાવી દઈને ખોટા ઇતિહાસનો વ્યાપક પ્રચાર થવો, એ મુદ્દો આ બંને કૃતિઓ વચ્ચેનું સામ્ય છે.

પ્રત્યેક દેશની પ્રજાએ પોતાનો સાચો ઈતિહાસ જાણવો જોઈએ. જે પ્રજા પોતાનો ઈતિહાસ ભૂલી જાય છે તે પોતાના ભવિષ્યને જોખમમાં મૂકે છે. આ કથામાં મુખ્ય મુદ્દો પણ આ જ છે. સાચો ઈતિહાસ દબાવી રાખનારા અને પોતાની રાજકીય દ્રષ્ટીને અનૂકૂળ એવો ઈતિહાસ પ્રજા સમક્ષ પ્રસ્તુત કરનારા કથિત ઈતિહાસકારો / વિદ્વાનોની કુટિલતાનો પર્દાફાશ આ પુસ્તકમાં કરવામાં આવ્યો છે. ઐતિહાસિક ઘટનાઓ અને હકીકતોનો જે તાદ્રશ્ય ચિતાર આ નવલકથામાં રજૂ થયો છે, એ વાંચીને દેશના ઈતિહાસ અંગેની આપણી ભ્રામક માન્યતાઓના આવરણો ઓગળી જશે. પુસ્તકમાંની ઘટનાઓ વાંચીને રુંવાડા ઉભા થઇ જાય અને ધૃણા પણ ઉપજે એવું સબળ આલેખન છે. પુસ્તકમાંની ઘટનાઓ અને પ્રસંગોના નક્કર પુરાવાઓ અને અકાટ્ય ઐતિહાસિક આધારો લેખકે પૂરા પાડ્યા છે અને વિસ્તૃત સંદર્ભસૂચિ આ પુસ્તકને એક ઐતિહાસિક દસ્તાવેજ પણ બનાવે છે.

આ અદ્દભુત ઐતિહાસિક નવલકથાનો આ સંપૂર્ણ અનુવાદ છે. આ ઉત્કૃષ્ટ અને રસાળ અનુવાદ નીના ભાવનગરીએ કર્યો છે.

પુસ્તકનાં વિશેષ પરિચય માટે ઉપર આપેલી પુસ્તકની ‘બેક ઇમેજ’ Zoom કરશો.

Details

Free Shipping

In Gujarat on orders over 299/-

Express Courier Service