Black Label

About this Book: Black Label (બ્લેક લેબલ)

દિવ્યભાસ્કરની રવિપૂર્તિ ‘રસરંગ’માં પ્રકાશિત લઘુનવલ ‘હંસા રામશી કેસ’ સહિત સ્ફોટક, રોચક, રોમાંચક એવી એકદમ અનોખી લઘુનવલો અને નાની વાર્તાઓનો સંગ્રહ.

વાર્તા કે લઘુનવલનું કામ વાચકને થાબડીને સુવડાવી દેવાનું નથી. સાહિત્ય જો તમને ડિસ્ટર્બ ન કરે, તમારી ઊંઘ ન ઉડાડે, તો તે નિરર્થક છે. આ કથાઓ પાછળનો ઉદ્દેશ્ય વાચકની ભીતર એક એવી ખળભળાટ પેદા કરવાનો છે, જે તેને પોતાના જ વિશે પુનર્વિચાર કરવા મજબૂર કરે. જીવનમાં અમુક સત્યો એવા હોય છે જેને નરી આંખે જોઈ શકાતા નથી. એને જોવા માટે આંખો બંધ કરવી પડે છે અને ભીતરના અંધકારમાં ઊતરવું પડે છે.

''બ્લેક લેબલ'' એ અંધકારમાં ઉતરવાની સીડી છે. આ કથાઓ વાચકોને કોઈ આદર્શ વિશ્વમાં નહીં લઈ જાય, પણ આસપાસ રહેલી વરવી અને કઠોર વાસ્તવિકતાના દર્પણ સામે ઊભા રાખી દેશે. અહીં કોઈ આદર્શ પાત્રો નથી, માત્ર જીવતા-જાગતા, ભૂલો કરતા, પડતા, કપટ કરતા અને પાછા ઊભા થતા માણસો છે. હવે આ પુસ્તકના પાનાં પરથી એ માણસો તમારા મનમાં પ્રવેશ કરશે. આ ''બ્લેક લેબલ''નો પ્રથમ ઘૂંટ છે. કડવાશ અને દાહ અનુભવવા તૈયાર રહેજો, કારણ કે સાચો નશો એની જ નીપજ છે. અહી શબ્દો પૂરા થાય છે, અને તમારી ભીતરનો અંધકાર શરૂ થાય છે.

Details

Free Shipping

In Gujarat on orders over 299/-

Express Courier Service